Sa prej nesh kanë një termometër në shtëpi, një mjet i thjeshtë për matjen e temperaturës së trupit në mënyrë që të dimë nëse kemi temperature apo jo?
Në mënyrë të ngjashme, oksimetri (oksimetri i pulsit) është një instrument që përdoret për të monitoruar oxigjenimin e frymëmarrjes në pavijonet e spitalit, në shtëpi, në punë ose pas një stërvitje.
Ajo mat ngopjen me oksigjen të hemoglobinës së pranishme në gjakun arterial periferik (me shkurtesën “% SpO2”). Në praktikë, ajo na tregon nëse mushkëritë janë në gjendje të marrin oksigjen të mjaftueshëm nga ajri që thithim apo jo. Në të njëjtën kohë mat rrahjet e zemrës (shkurt Bpm).
Si funksionon?
Pajisja më praktike dhe më e përhapur është pajisja me gisht, e përbërë nga dy përbërës: një sondë mbledh të dhënat, i përpunon ato dhe dërgon rezultatin (në numër) në ekran. Gjithçka është e mbyllur në një trup të vetëm, e thjeshtë për t’u përdorur dhe transportuar.
Mund të përdoret gjithashtu lehtësisht në shtëpi. Kjo metodë e matjes së oxigjenit është jo invazive, plotësisht pa dhimbje dhe mund të përdoret tek foshnjat, fëmijët dhe të moshuarit. Ajo ka formën e një kellefi që duhet të vendoset në kontakt në gishtin e njërës dorë ose si menyre alternative do të kryhet në lobin e veshit.
Përse shërben?
Përdoret për të vlerësuar nivelin e funksionit të frymëmarrjes, një nga shenjat më të rëndësishme jetike për të monitoruar së bashku me rrahjet e zemrës.
Ka disa situata në të cilat mund të përdoret, për shembull për të identifikuar shpejt mosfunksionimet e frymëmarrjes, për monitorimin e vazhdueshëm të njerëzve me sëmundje të mushkërive, astmë, bronkit kronik, për ata që vuajnë nga apnea e gjumit apo edhe në subjektet e ekspozuara ndaj ndotjes së mjedisit ose në vendin e punës, për ata që pinë duhan.
Si te perdoret?
Gishti futet deri poshtë duke hapur kellefet, për të lejuar sondën të “lexojë” pjesën qendrore të gishtit. Çelësi ndizet dhe pas disa sekondash do të jeni në gjendje të shihni vlerat e ngopjes me oksigjen dhe rrahjet e zemrës në ekran.
Për matjen këshillohet higjena e duarve. Gishti normalisht duhet të jetë i nxehtë, nëse është e nevojshme, le ta fërkojmë mirë së pari. Thonjtë nuk duhet të jenë shumë të gjatë sepse maja e gishtit nuk do të binte në pozicionin e duhur për matjen. Smalti, rindërtimi i thojit dhe xhelët duhet të hiqen sepse mund të ndryshojë leximin dhe të japë një rezultat jo të besueshëm. Përndryshe, matja do të kryhet në lobin e veshit.
- Matja kryhet ndërsa jeni pozicionuar ulur dhe në një vend te qete dhejo te zhurmshem.
Pse perdoret matja e Oxigjenit?
Kjo pajisje e vogël përfaqëson një aleat të domosdoshëm për parandalimin dhe masat e kontrollit, duhet të përdoret gjatë ditës pasi njohja e vlerës së ngopjes me oksigjen, veçanërisht në një periudhë pandemike si kjo që po përjetojmë, mund të na tregojë nëse kemi crregullim ne frymëmarrje, duke na lejuar që të aktivizojme menjëherë procedurat e trajtimit.
Eshtë gjithashtu shumë i dobishëm për ata që ende duan të mbajnë nën kontroll këto parametra për shëndetin e tyre.
Cilin Oximeter te zgjedhim?
Këshilla jonë si Farmacist te Farmaceutika.org për zgjedhjen e oksimetrit është të shkoni drejt markave të njohura për të patur sigurinë e një pajisjeje të kalibruar mirë në parametra të saktë, të aftë për të kryer matje të besueshme dhe precize. Të gjitha modelet janë të vlefshme dhe nuk ka asnjë lloj specifik për Coronavirusin.
Çmimet ne treg varen nga funksionet që mund të ofrojë pajisja, aq më të shumta janë ato (informacione të hollësishme mjekësore, ekran i pastër, bateri e rimbushur, mundësia e lidhjes me një kompjuter) aq më i lartë është çmimi. Ato më pak të kushtueshme nuk janë të lira, por ofrojnë vetëm të dhënat thelbësore.