Nishanet e kuqe në lëkurë nuk janë një problem shëndetësor, përveç nëse janë të bezdisshëm në pamje per disa persona, dhe nëse keni kruarje dhe gjakderdhje në këto raste, duhet të konsultoheni menjëherë me një specialist, mjeke dermatologe.
Jam e sigurt se, më shumë se një herë, do të jeni habitur kur keni vënë re disa nishane të kuqe në lëkurë. Ato njihen si “angioma rubin” ose “angioma qershi”, shfaqen papritur dhe nuk zhduken kurrë.
Është mëse normale të shqetësohemi kur i vëmë re’ dhe kur kuptojmë se nga një ditë në tjetrën kemi disa nishane të kuqe më tepëer në lëkurë.
Duhet të sqarojmë një koncept të rëndesishem: këto nishane të kuqe janë angioma të trashëguara, prandaj kanë një faktor gjenetik dhe zakonisht lindin për shkak të plakjes së lëkurës.
Pavarësisht kësaj, fakti që ato nuk janë kancerogjene nuk do të thotë se nuk duhet të jemi të kujdesshëm apo të respektojmë kontrollet mjekësore periodike per nishanet.
Ne të Farmaceutika.org mblodhëm disa informacione të rëndesishme për nishanet e kuqe dhe jemi të sigurt se ky informacion do të jetë shumë i dobishëm për ju.
5 fakte për nishanet e kuqe në lëkurë
Nishanet e kuqe në lëkurë zakonisht shfaqen më shpesh midis moshës 40 dhe 50 vjeç. Por, kjo nuk do të thotë se ata nuk mund të paraqiten në raste sporadike që në fëmijëri apo adoleshencë.
Zakonisht na tërheqin vëmendjen menjëherë për shkak të ngjyrës së tyre. Është një nuancë shumë e ndritshme.
Në fakt, është normale t’u drejtohemi ndërhyrjeve për të eliminuar këto “njolla te kuqe” që të gjithë kemi trashëguar nga paraardhësit tanë.
Çfarë janë saktësisht nishanet e kuqe në lëkurë?
Nishanet e kuq në lëkurë janë kapilarë të vegjël të zgjeruar të shkaktuar nga disa probleme me sistemin kardiovaskular. Zakonisht shfaqen në zonën e krahëve dhe gjoksit.
Ekspertët shpjegojnë se është një problem shumë i ngjashëm me atë të variçeve, por ndryshe varicet, e cila kalon përgjatë lëkurës në drejtim paralel, nishanet e kuqe e bëjnë atë pingul. Kjo është arsyeja pse ata kanë një formë të rrumbullakët.
Por, është e nevojshme të saktësohet se bëhet fjalë për tumore beninje. Ato janë grumbullime të thjeshta të qelizave melanocitare të cilat, ndryshe nga nishanet, zakonisht nuk janë malinje.
Njolla të kuqe dhe nishane të kuqe në lëkurë diferenca:
Duhet të keni parasysh gjithashtu se është e mundur të keni nishane të kuqe ose njolla të kuqe në lëkurë. Le të shohim pikat me detaje:
Rozacea (njollat e kuqe) manifestohet edhe me zgjerimin e kapilarëve të vegjël, por në këtë rast ato duken më shumë si variçe. Zakonisht shfaqet pas ndryshimeve të papritura të temperaturës apo edhe gjatë shtatzënisë. E mira është se këto njolla të kuqe mund të eliminohen me kalimin e kohës.
Ka edhe hemangioma, ose njollat klasike që kemi që në lindje. Ato mund të kenë një nuancë të kuqërremtë ose një ngjyrë vjollcë. Bëhet fjalë për keqformime të vogla kapilare që shfaqen pothuajse gjithmonë në bust ose në fytyrën e fëmijëve. Ato mund të zhduken me kalimin e kohës ose të qendrojne aty gjatë gjithë jetës.
A duhet të shqetësohem nëse shfaqen nishane të kuqe?
Duam të theksojmë edhe një herë se nishanet e kuqe në lëkurë nuk janë kancerogjene. Këto janë tumore beninje, por ju duhet t’i kontrolloni ato çdo ditë dhe t’i kushtoni vëmendjen e duhur.
- Sigurohuni që ato të mos ti keni në një numër të madh vetëm në një zonë të trupit.
- Nishanët e kuq në lëkurë zakonisht nuk janë të bezdisshëm. Kjo do të thotë që nëse ju dhëmb ose kruhet, duhet të konsultoni një mjek.
- Nishanet e kuqe në lëkurë nuk rrjedhin gjak. Nëse i prekni, i ngacmoni apo krruani për t’i bërë të rrjedhin gjak, duhet të shkoni patjeter tek një dermatolog.
- Kushtojini vëmendje edhe ngjyrës dhe formës që kanë. Nëse, në një moment, ajo ngjyrë e kuqërremtë bëhet më e errët ose nëse skajet bëhen të vrazhda ose të pabarabarta, ju rekomandojmë të flisni me një specialist.
Çfarë mund të bëhet për t’i eliminuar ato?
Zakonisht, ato nuk nënkuptojnë ndonjë rrezik për shëndetin, por ka nga ata që i konsiderojnë këto pika të vogla një papërsosmëri të shëmtuar sa herë që duan të veshin një këmishë, fustan apo bluzë më bust të hapur.
Është e rëndësishme të theksohet se NUK duhet të përpiqeni asnjëherë t’i eliminoni ato vetë ose me mjete natyrale shtëpiake, sepse është shumë e rrezikshme.
Nishanet e kuqe në lëkurë mund të arrijnë nga 6 deri në 7 milimetra në madhësi, janë kapilarë dhe, për këtë arsye, nuk duhet të përpiqeni asnjëherë t’i nxirrni me thonje apo mjeke te tjera prehese. Dermatologu do t’ju tregojë se si të shpëtoni prej tyre.
Zakonisht përdoren teknika me lazer, skalpel elektrik ose krioterapi me azot, i cili ngrin nishanin e kuq. Në këtë mënyrë, ata nuk do të shfaqen më. Të gjitha këto janë teknika të sigurta qe do tju a sugjerojë mjeku dermatolog pasi ka bërë përcaktimin e tyre.