Home » Të mirat nga aktiviteti fizik në mëngjes:

Të mirat nga aktiviteti fizik në mëngjes:

keshilla shendeti farmaceutika.org

Nga: Vinela Gjata

Kur bëhet fjalë për stërvitje, koha më e mirë e ditës për të hyrë në një seancë stërvitore është ajo që mundeni ta ndiqni rregullisht. Të gjithë janë ndryshe. Koha e “duhur” varet nga faktorë të tillë si: preferenca, stili i jetës dhe trupi juaj.

Edhe pse nuk ka një përgjigje të vetme në gjetjen e orës së duhur që mund të marrë parasysh të gjithë këta faktorë, stërvitja në mëngjes ka disa përfitime. Le të shohim 8 prej tyre:

1. Më pak shpërqendrime:

Ushtrimet në mëngjes zakonisht nënkuptojnë se jeni më pak të prirur për t’u shpërqendruar. Fillimisht, kur sa zgjoheni, nuk keni filluar të merreni me listën e qëllimeve që duhet të arrini gjatë ditës. Ju gjithashtu keni më pak të ngjarë të merrni telefonata, mesazhe dhe emaile. Kështu, me më pak shpërqendrime, ka më shumë të ngjarë të bëni një stërvitje të mirë. Gjithashtu, falë saj, do të mund të keni një fokus më të mirë dhe të ndiheni më energjik përgjatë gjithë ditës.

2. Mundni nxehtësinë

Në verë, stërvitja në mëngjes do të jetë më komode, pasi pjesa më e nxehtë e ditës është nga ora 10 e mëngjesit deri në 3 të pasdites. Rekomandohet të shmangni ushtrimet në natyrë gjatë kësaj kohe. Nëse preferoni aktivitete në natyrë, është më mirë të punoni në mëngjes herët, veçanërisht në ditë shumë të nxehta.

Aktiviteti fizik ne shtepi

3. Zgjedhje më të shëndetshme të ushqimit

Stërvitja në mëngjes herët mund t’ju frymëzojë në zgjedhjen e një ushqimi më të shëndetshëm. Pse?

Në një studim të vitit 2018 të botuar në International Journal of Obesity, 2,680 studentë të kolegjit përfunduan një program ushtrimesh 15-javor. Çdo javë përfshinte tre seanca 30-minutëshe kardio. Studentëve nuk iu kërkua të ndryshonin dietën e tyre ushqimore, megjithatë, ata që qëndruan me programin bënë zgjedhje më të shëndetshme ushqimore, si ngrënia më pak e mishit të kuq dhe ushqimeve të skuqura. 

Si dhe, arrinin ta kontrollonin më mirë oreksin e tyre gjatë ditës pasi stërvitja e mengjesit, u kishte mundësuar zvogëlim të ghrelinës, hormonit të urisë dhe rritje të hormoneve të ngopjes, si peptidi YY dhe peptidi-1 (glukagoni).

Aktiviteti fizik ne mengjes

4. Vigjilencë e lartë

Kortizoli është një hormon që ju mban zgjuar dhe vigjilent. Shpesh quhet hormoni i stresit, por shkakton probleme vetëm kur gjendet me tepricë të theksuar ose në sasi shumë të ulët në organizëm. Në mënyrë tipike, ai rritet në mëngjes dhe bie në mbrëmje. Arrin kulmin rreth orës 8 të mëngjesit.

Kështu, nëse keni një ritëm të shëndetshëm cirkadian (ritmi biologjik i organizmave të gjallë), trupi juaj mund të jetë më i aftë për t’u ushtruar në këtë kohë.

5. Mundësi në humbjen të peshës:

Ushtrimet e kryera herët gjatë ditës, mund të jenë më të mirat për humbjen e peshës, sipas një studimi të vogël të vitit 2015 të botuar në EBioMedicine.

Në studim, 10 të rinj u ushtruan në mëngjes, pasdite dhe mbrëmje gjatë seancave të veçanta. Studiuesit zbuluan se djegia e indit dhjamor në 24 orë ishte më e larta kur ata ushtroheshin në mëngjes para se të konsumonin vaktin përkatës.

Prandaj, nëse jeni duke kërkuar të humbni peshë, ushtrimet herët në mëngjes mund t’ju ndihmojnë.

Ngrenia e mengjesit eshte e rendesishme

6. Kontrolli i glukozës në gjak

Aktiviteti fizik është një pjesë e rëndësishme e manaxhimit të diabetit të tipit 1 (T1DM). Por, për njerëzit me T1DM, mund të jetë sfiduese të punohet. Ushtrimet paraqesin rrezikun e hipoglicemisë, ose glukozës së ulët të gjakut.

Një studim i vitit 2015 i botuar në Journal of Diabetes Science and Technology, zbuloi se ushtrimet në mëngjes ulin këtë rrezik. Në studim, 35 të rritur me T1DM bënë dy seanca të ndara të stërvitjeve në mëngjes dhe pasdite. Krahasuar me seancat e pasdites, stërvitjet në mëngjes paraqitën një rrezik më të ulët të ngjarjeve hipoglicemike pas aktivitetit.

Studiuesit mendojnë se kortizoli mund të luajë një rol këtu. Përveç rritjes së vigjilencës, ai gjithashtu ndihmon në kontrollin e sheqerit në gjak. Nivele të ulëta të këtij hormoni, të cilat ndeshen më vonë gjatë ditës, bëjnë të mundur zhvillim më të lehtë të hipoglicemisë

7. Manaxhimi i presionit të gjakut

Në Shtetet e Bashkuara, 1 në 3 të rritur kanë hipertension ose presion të lartë të gjakut. Aktiviteti fizik është një nga mënyrat më të mira për të kontrolluar hipertensionin natyrshëm. Por, sipas një studimi të vogël të vitit 2014 të botuar në Vascular Health and Risk Management, ushtrimi në mëngjes mund të jetë zgjedhja më e mirë.

Gjatë tre seancave të ndara, 20 të rritur parahipertensivë u ushtruan në 7 të mëngjesit, në 1 dhe 7 të pasdites. Pjesëmarrësit gjithashtu kishin veshur një pajisje mjekësore për të monitoruar reagimin e tyre të presionit të gjakut. Studiuesit zbuluan se ndryshimet më të favorshme të presionit të gjakut ndodhën në ditët e stërvitjes në 7 të mëngjesit.

8. Gjumë i përmirësuar

Kryerja e stërvitjes në mëngjes herët mund të jetë pikërisht ajo që ju nevojitet për të pushuar mirë gjatë natës. Ushtrimi në natyrë në mëngjes ofron edhe më shumë përfitime të lidhura me gjumin. Ekspozimi i dritës herët gjatë ditës mund të ndihmojë në rritjen e niveleve të melatoninës (hormonit që kontrollon ciklin e gjumë-zgjimit) gjatë natës. Si rrjedhojë, mund të shijoni një gjumë të thellë dhe me më pak zgjime gjatë natës. 

A duhet të hani më parë?

Ndërsa stërvitja e mëngjesit ka disa përfitime, është e rëndësishme të stabilizoni sheqerin në gjak para se të bëni stërvitje. Përndryshe, trupi juaj do ta ketë të vështirë të fuqizohet gjatë stërvitjes. Përpiquni të hani një vakt të lehtë të pasur me karbohidrate dhe proteina. Këto lëndë ushqyese do të sigurojnë energji dhe do të fillojnë muskujt tuaj për stërvitje.

Vakte ideale ne mengjes

Vaktet ideale para stërvitjes në mëngjes përfshijnë:

Banane me gjalpë kikiriku

Bollgur me qumësht bajame dhe manaferra

Kos me mollë

Hani këto ushqime një deri në tre orë para se të ushtroheni. Ndoshta do të duhet të eksperimentoni për të parë se cila kohë funksionon më mirë për ju.

Pas stërvitjes, do t’ju duhet të plotësoni rezervat e karbohidrateve dhe proteinave të trupit tuaj. Brenda 15 minutash nga stërvitja, shijoni një vakt pas stërvitjes, si:


Sanduiç (bukë me drithëra) me gjel deti dhe perime

Smoothie me proteina pluhur dhe fruta

Kos me manaferra

Shënim: Mos harroni të pini shumë ujë para, gjatë dhe pas stërvitjes. 

Lexo edhe: