Home » Pse t’i nxirrni fëmijët jashtë edhe kur është ftohtë?

Pse t’i nxirrni fëmijët jashtë edhe kur është ftohtë?

Erdhi koha e vjeshtës dhe e dimrit të ftohtë, por mos mendoni se duke i mbyllur fëmijët në shtëpi, ata janë të imunizuar ndaj të ftohtit. Ne te kundert! Sekreti për të mos sëmurur fëmijët është … t’i nxjerrësh jashtë, edhe në ditët më të ftohta!!

Shkurtimisht, edhe në dimër, jepuni atyre më shumë lojëra në natyrë: kjo do të thotë të keni më pak rrezik të infektimit sesa kur janë brenda.

E vërteta dhe arsyeja është e thjeshtë: Qëndrimi në vënde të ajrosura për një kohë të gjatë kontribuon në transmetimin e sëmundjeve infektive.

Dhe është pikërisht termi “infektiv” ai që bën diferencën, pra kur një mikrob, një virus apo një bakter hyn në trupin tonë, i transmetuar ashtu siç është nga një person tek tjetri përmes pikave të pështymës. Me një teshtitje, për shembull, do të eliminoheshin rreth 20 mijë, si dhe me një kollë! Dhe kjo është mënyra më e shpeshtë se si sëmuremi.

Prandaj, nëse mbulohen mirë dhe nxirren jashtë në mes të ditës, fëmijët kanë më pak shanse të ekspozohen ndaj agjentëve infektivë sesa nëse qëndrojnë në vende të ajrosura keq për një kohë të gjatë.

Në fakt, kontaktet e ngushta me fëmijë të tjerë ose në përgjithësi me persona të sëmurë, janë një nga mënyrat kryesore të transmetimit të sëmundjeve infektive. Kjo është arsyeja pse, të paktën në vitin e parë, fëmijët në çerdhe shpesh sëmuren. Dhe i ftohti nuk ka asnjë lidhje me të!

Jashtë nuk ka kontakt të drejtpërdrejtë me njerëzit e tjerë dhe për më tepër është vendi ideal sidomos sepse ka diell. Ashtu është: le të përfitojmë nga kjo, që jemi edhe vendi më i bukur për këtë, dhe le të kujtojmë se dielli është një kurë.

Rrezet e tij shkatërrojnë një numër të pafund mikrobesh dhe virusesh dhe janë në gjendje të prodhojnë sasi të mëdha të vitaminës D në trupin tonë, e cila është e dobishme për thithjen e kalciumit që marrim në dietën tonë dhe për t’i bërë fëmijët tanë të rriten të fortë dhe të shëndetshëm.

Si t’i veshim fëmijët për të dalë?

Pak më shumë se një i rritur: mos harroni kurrë një shall, kapelë dhe doreza për të shmangur infeksionet e veshit dhe bronkiolitin.

Me pak fjalë, ne sëmuremi më shumë në dimër sesa në verë, jo sepse bën ftohtë, por sepse nga të ftohtit mbyllemi në shtëpi, ndezim sa më shumë ngrohëset dhe lejojmë që viruset dhe bakteret të na pushtojnë. Le t’i çojmë të gjithë në park, atëherë, edhe kur temperaturat janë dukshëm më të ftohta dhe sistemi i tyre imunitar do t’ju falënderojë!