Muaji i pestë: Fillon nga 17 javë + 5 ditë deri në 21 javë + 6 ditë (17j+ 5 deri 21j+ 6d).
Java e tetëmbëdhjetë e shtatzënisë:
Kapsllëku është i zakonshëm në shtatzëni. Kapsllëku mund të zgjidhet duke u përqëndruar në dietën që duhet pasuruar sa më shumë që të jetë e mundur me fibra. Eshtë një ide e mirë të konsumoni fruta dhe perime të gatuara dhe të shmangni frutat e papjekura. Lëngu i perftuar nga kumbullat e thata është një ilaç natyral që mund t’ju ndihmojë.
Lëvizja gjithashtu mund të ndihmojë zorrën të kapërcejë përtacinë e saj.
Përdorimi i laksativëve nuk rekomandohet gjate periudhes se shtatezanise.
Fetusi peshon rreth 200 gram, gjymtyrët e tij janë zhvilluar pothuajse plotësisht. Kockat e tij po forcohen dhe gjithashtu po formohen shenjat e gishtërinjve.
Java e nëntëmbëdhjetë e shtatzënisë:
Ekografia e dytë bëhet ndërmjet javës së 19-të dhe 21-të të shtatzënisë.
Shërben për të vlerësuar
– Madhësine e fëmijës
– Rregullsia e rrahjeve të zemrës suaj
– Identifikimi i zonës ku është zhvilluar placenta
– Për të kontrolluar sasinë e lëngut amniotik
– Konfirmim e sakte te kohës së shtatzënisë në lidhje me datën e menstruacioneve të fundit. Quhet ndryshe edhe “Ekografia morfologjike”.
Fetusi peshon mesatarisht pak më shumë se 250 gram dhe pushi po i rritet në trup. Gjatë kësaj periudhe, fetusi shumicën e kohës e kalon duke fjetur dhe qëndron zgjuar vetëm për 4 deri në 6 orë në ditë.
Java e njëzetë e shtatzënisë:
Madhësia pak a shumë e theksuar e barkut është e parëndësishme në lidhje me ecurinë e mirë të shtatzënisë. Ajo që ka rëndësi është që foshnja të rritet me një normë të rregullt dhe që madhësia e saj të jetë e saktë për kohën e shtatzënisë, një mundësi që konstatohet me kruerjen e ekografive.
Shtatzënia është në gjysmë të rrugës! Këtë javë truri i fetusit vazhdon të rritet, dhe do të rritet me rreth 90 gram çdo muaj. Qerpikët, thonjtë dhe duart janë formuar plotësisht dhe sytë, qepallat, vazhdojnë të lëvizin dhe rrotullohen. Zemra rreh shumë shpejt, rreth 120 deri në 140 rrahje në minutë.
Java e njëzet e një e shtatzënisë:
Në përgjithësi nuk ka nevojë për të marrë suplemente (vitamina dhe minerale) nëse nuk ka ndonjë indikacion specifik nga mjeku. Por tregu farmaceutik dhe kompanite farmaceutike ne ditet e sotme kane te mire zhvilluar dhe mire studiuar prodhimin e suplementeve te nevojshme me dozat ditore qe nje nene shtatezene duhet ti marre gjate periudhes se pritjes se embel. Keshtu qe nje suplement nga nje kompani e mire mund te merret gjate gjithe periudhes se shtateyanise.
Por gjithashtu duhet një dietë e larmishme, e pasur me fruta dhe perime. Në veçanti, shtesat e hekurit nuk duhet të merren nëse testet e gjakut nuk tregojnë se ka një mungesë në gjak te hekurit. E njëjta gjë vlen edhe për vitaminat dhe mineralet e tjera.
Fetusi peshon pak më shumë se 400 gram dhe është i gjatë rreth 30 centimetra. “Merr frymë” duke hapur dhe mbyllur mushkëritë rreth 40-100 herë në orë. Hapësira që e rrethon atë brenda lëngut amniotik është akoma e madhe dhe lëvizjet janë aq të lira sa mund të bëjë saltro.