Home » Diastaza abdominale pas lindjes: çfarë është?

Diastaza abdominale pas lindjes: çfarë është?

Ka shumë gra që vuajnë nga diastaza abdominale (e barkut) pas lindjes: rreth 30% e nënave të reja vuajnë edhe pse nuk janë në dijeni të ashpërsisë që mund të paraqesë ky çrregullim estetik dhe shëndetesor.

Diastaza abdominale është një çrregullim shumë normal gjatë shtatzënisë që zgjidhet spontanisht pas rreth 4-5 muajsh nga lindja e foshnjës. Në këtë udhëzues, do te përpiqemi të kuptojmë më mirë se çfarë është diastaza abdominale, cilat janë simptomat, shkaqet dhe si ta rregullojmë çrregullimin e barkut të fryrë muaj dhe muaj pas lindjes.

Diastaza Abdominale, www.farmaceutika.org

Çfarë është diastaza abdominale?

Diastaza abdominale (e barkut) është ndarja gjatësore ose ndarja e anës së djathtë nga ana e majtë e muskulit rectus abdominis.

Në thelb, të dy pjesët largohen shumë nga njëra-tjetra për shkak të presionit të ushtruar nga mitra për shkak të ënjtjes së saj gjatë shtatzënisë.

Episodet e diastazës abdominale prekin kryesisht gratë shtatzëna dhe është për shkak të shtriqjes së muskujve të rectus abdominis. Shenja e saj estetike e njohjes është formimi i një kreshte gjatësore që shkon nga sternumi në kërthizë.

Cilat janë shkaqet?

Shkaku i shfaqjes së diastasës abdominale është shtrirja e tepërt e muskulit të rectus abdominis, i nxitur nga zgjerimi i mitrës i cili rritet gjatë 9 muajve të shtatëzënësisë dhe përfshin presion të brendshëm në muskulin e rectus abdominis. Kjo shkakton ndarjen e elementit muskulor të djathtë nga elementi muskulor i majtë.

Ekzistojnë gjithashtu faktorë më të lartë rreziku që kanë një ndikim të rëndësishëm në shkaqet e diastazës abdominale: mosha mbi 35 vjeç; fetusi i rëndë; shtatzënia e shumëfishtë; shtatzënitë e shumta.

Simptomat:

Shenja tipike e dukshme e diastazës abdominale është pamja e një lloj kurrizi që formohet në linea alba dhe shkon nga procesi xiphoid i sternumit deri në kërthizë. Për ata që vuajnë nga problemet e diastazës abdominale pas 4/5 muaj pas lindjes, ata vazhdojnë të kenë një bark të fryrë dhe muskuj të barkut të dalë.

Në thelb, vrima e krijuar nga dy zonat e muskujve, eshte disa centimetra, nuk zhduket tek pacientët që vuajnë nga diastaza. Në të vërtetë, në disa raste të rënda, diastaza e barkut shoqërohet nga ndërlikime që çojnë në formimin e një hernie kërthizore ose barkushe të shoqëruar me të vjella, skuqje dhe dhimbje barku.

Terapia dhe trajtimet:

Në shumicën e rasteve, pas lindjes, diastaza abdominale zgjidhet spontanisht pa ndonjë trajtim. Në disa raste, gratë që kanë patur disa shtatzëni dhe shprehin probleme si të fryra të stomakut për shkak të qepjes së linea alba, terapia është kirurgjikale dhe konsiston në abdominoplastikë.

Për më tepër, është e mundur të përshpejtohet procesi i zgjidhjes së diastazës abdominale duke përdorur disa ushtrime fizioterapie dhe trajnimi të muskujve që synojnë rajonin e barkut.