Dhimbjet e lindjes janë një seri ngjarjesh, apo një proces që ndodh brenda një ore ose 24 orësh, madje edhe më shumë.
Kohëzgjatja e dhimbjeve të lindjes varet nga shumë faktorë. Si rregull, dhimbjet zgjasin më shumë me fëmijën e parë. Kjo për shkak se qafa e mitrës dhe kanali i lindjes (vagina) te nënat që lindin për herë të parë, janë më pak fleksibël dhe për këtë arsye atyre u duhet më tepër kohë të lindin.
Kohëzgjatja e dhimbjeve të lindjes ndryshon si nga njëra grua tek tjera, ashtu edhe nga njëra lindje te tjera. Me përjashtim ndoshta të dhimbjeve menstruale, dhimbjet e lindjes janë ndryshe nga çdo gjë tjetër që keni përjetuar. Kjo ndodh sepse ju nuk jeni mësuar të ndieni kontraktimet e muskujve të mitrës.
Zakonisht një kontraktim fillon në pjesën e sipërme të mitrës, në afërsi të diafragmës, dhe pastaj kalon në pjesën e poshtme të barkut dhe në fundshpinë.
Mund të ndieni dhimbje edhe në pjesën e poshtme të barkut, ijeve apo në pjesën e sipërme të kofshëve. Sipas rastit, kjo ndjesi përshkruhet si dhimbje, shtypje apo edhe dhimbje shpine. Për disa gra, këto dhimbje duket sikur ngjasojnë me dhimbjet e forta menstruale, ndërsa për disa të tjera, ato janë krejt ndryshe. Megjithatë jo të gjitha nënat në pritje të ëmbël i përjetojnë këtë dhimbje në javën e 40-të të shtatzënisë, atëherë kur foshnja lind !
Në rastet kur nëna lind parakohe këto janë shenjat dhe simptomat nga të cilat duhet të bëjnë kujdes:
- Kontraktimet e mitrës, ndoshta pa dhimbje, që duken si shtrëngime në bark;
- Kontraktime të shoqëruara me dhimbje fundshpine apo rëndesë në pjesën e poshtme të legenit dhe në pjesën e sipërme të kofshëve;
- Ndryshime të sekrecioneve vaginale, si njolla të zbehta apo gjakderdhje e lehtë, ujë që rrjedh nga vagina ose sekrecione të trasha të përziera me gjak.
- Nëse keni më shumë se gjashtë kontraktime në orë, që zgjasin më pak se 45 sekonda, edhe pse mund të mos ndieni dhimbje, kontaktoni mjekun ose maternitetin ku shkoni për kontrolle.
- Veçanërisht e rëndësishme është nëse keni gjakderdhje vaginale të shoqëruar me shtrëngime apo dhimbje barku.
Puna mund të konsiderohet e filluar kur mitra tkurret në intervale të rregullta për të paktën dy orë rresht; kur intervali midis një dhimbjeje dhe një tjetri është 10-15 minuta; kur kontraktimet shkaktojnë shqetësim (ose dhimbje) në bark, ijë ose në zonën e shpinës; kur tkurrjet zgjaten për të paktën 20 sekonda rresht.
Ekzistojnë tre / katër faza të lindjes:
E para quhet “e zgjeruar”: Karakterizohet nga dhimbje të lindjes dhe përfundon kur qafa e mitrës arrin hapjen e saj maksimale e cila korrespondon me rreth 10 centimetra në diametër.
E dyta, e quajtur “dëbuese” : eshtë faza e shtytjes dhe përfundon me lindjen e fëmijës.
Faza e tretë quhet “pas lindjes”: Gjatë kësaj faze të fundit, e cila zakonisht ndodh rreth 30 minuta pas lindjes së foshnjës, placenta largohet me një dhimbje të lehtë.
Lexo edhe: