Dopio Ekspress, me qumësht, makiato, kafe te gjatë, kafe amerikane etj.
Sido që ta porosisni 85% e të gjithë të rriturve në Amerike pinë të paktën një pije me kafeinë në ditë dhe mund të keni parë se pak kafe ose çaj është thelbësore për t’ju mbajtur zgjuar dhe të lumtur.
Ekziston një e vërtetë pas atyre shprehjeve “Mos më fol derisa të kem pirë kafe“: kafeina të bën të ndihesh më mirë, dhe jo vetëm sepse ndihesh më zgjuar.
“Më duhet vërtet një kafe për të filluar ditën time tani“.
“Nëse nuk pi një kafe, jam si i përgjumur“.
Pak kafeinë mund të ndihmojë gjendjen tuaj shpirtërore.
Disa studime, përfshirë një me mbi 50,000 gra, kanë zbuluar se kafeja ose çajra të caktuara ulin rrezikun e depresionit tek njerëzit.
Për shkak se kafeina mund t’ju bëjë të ndiheni më mirë:
Kur ju konsumoni një kafe, truri juaj zgjohet dhe fillon t’i kushtojë vëmendje gjerave përreth.
Një studim i botuar në Physiology & Behavior në 2017 zbuloi se kur njerëzve të stresuar iu dha një dozë e ulët kafeine, funksioni i tyre njohës – sa shpejt dhe logjikisht mund të mendonin – u përmirësua dhe nivelet e ankthit të tyre u ulën.
Një tjetër, i botuar në Revistën Kanadeze të Fiziologjisë dhe Farmakologjisë në vitin 2017, zbuloi se njerëzit kishin tendencë t’u përgjigjeshin më pozitivisht imazheve të trishtuara pas kafesë.
Çaji në veçanti mund të ndihmojë në përmirësimin e humorit tuaj.
Nuk ndikon vetëm kafeina në çaj; janë edhe përbërës të tjerë si theanina. Ndërsa kafeina ju stimulon, theanina ju qetëson, kjo është arsyeja pse çaji është shpesh një pije më relaksuese sesa ai ekspresi dopio.
Ka shumë arsye të mundshme pse kafeina mund t’ju nxjerrë nga përgjumja juaj. Mund të ketë të bëjë me efektet e saj antioksiduese dhe anti-inflamatore ose diçka që lidhet me ndikimin e kafeinës në shëndetin e zorrëve.
Nxitja e energjisë së kafeinës mund të ndihmojë gjithashtu sepse ju ngre nga shtrati dhe ju aktivizon.
Sa kafeinë keni nevojë për tu ndjerë më mirë?
Shumë kafe ose çaj mund t ju bëjë më të stresuar duke inkurajuar trupin tuaj të lëshojë hormone e stresit si adrenalina dhe kortizoli. Për njerëzit me çrregullime të humorit, sasi më të larta të kafeinës – mendoni, më shumë se katër filxhane në ditë – i përkeqësuan simptomat e tyre, sipas një studimi të vitit 2014.
“Dy filxhanë kafe në ditë është më e mira”, thonë mjekët.
Në ketë mënyrë, ju ende merrni përfitime nga kafe-ja, por jo aq sa të nervozoheni ose të rrisni nivelin e stresit.
Disa njerëz janë gjenetikisht më të ndjeshëm ndaj kafeinës sesa të tjerët, prandaj mund të pini katër filxhanë dhe të mos ndieni asgjë, dhe shoku juaj fillon të shqetësohet pas një kafeje. Të kesh nevojë për një filxhan kafeje për tu ndjerë mirë është normale – dhe truri juaj ndoshta po përfiton prej saj.